నిక్ నేమ్లు పెట్టడంలో తెలంగాణ ప్రజలు దిట్ట. సరదాగా.. వ్యంగ్యంగా పిలుస్తూనే ఉంటారు. ఓ ఊరిలో కిష్టయ్యలు ఇద్దరు ఉంటే.. అందులో ఒకడు పొట్టిగా, మరొకడు దొడ్డుగా ఉండేవాడు. అందుకే పొట్టిగా ఉండే వ్యక్తిని పొట్టి కిష్టయ్య అని, ఇంకొకడిని దొడ్డు కిష్టయ్యగా పిలవడం మొదలెట్టారు. ఒక ఇంటి పేరుతో ఒకే పేరు కలిగిన వాళ్లుంటే వాళ్లు చేసే పని బట్టి పిలవడం అలవాటే. ఇవి రాజకీయ పార్టీలు, అనుబంధ సంఘాలకు మినహాయింపేమీ కాదు. ఆర్ఎస్ఎస్ అనుబంధ విద్యార్థి సంఘం ఏబీవీపీ. ఈ సంఘాన్ని అటల్ బిహరీ వాజ్పాయ్ అని పిలిచివాళ్లు. ఓ కమ్యూనిస్టు పార్టీకి అనుబంధ సంఘం పీడీఎస్యూ. దీన్ని పూరీ, దోశ, సాంబార్, ఉప్మా అని సరదాగా పిలిచేవాళ్లు. ఈ రెండు సంఘాలను కోపంగా పిలిచివాళ్లు ఉంటే మరో రకంగా. జాతీయ స్థాయిలో రాహుల్ గాంధీ, ఆంధ్రప్రదేశ్లో నారా లోకేశ్ను పప్పు అని పిలుస్తున్న సంగతి తెలిసిందే. ఇప్పుడు టీఆర్ఎస్ ను జాతీయ పార్టీగా చేయడానికి కేసీఆర్.. బీఆర్ఎస్గా మార్చారు. అప్పటి నుంచి ఒకరు బీఆర్ఎస్కు వీఆర్ఎస్ అంటూ ఉంటే బీజేపీ బండి సంజయ్ మరో పేరు పెట్టారు. బీఆర్ఎస్ అంటే బందిపోట్ల రాష్ట్ర సమితి అని చెప్పుకొస్తున్నారు. అయితే ఈ బండి సంజయ్ను టీఆర్ఎస్ వాళ్లు, కేసీఆర్ను తీన్మార్ మల్లన్న అలియాస్ చింతపండు నవీన్ ఏమని పిలుస్తారో తెలుసుగా. మళ్లీ కొత్తగా చెప్పాల్సిన అవసరం లేదనుకుంటా.
