ఎట్ల చూసిన మాజీ ముఖ్యమంత్రి చంద్రబాబు రూటే వేరబ్బా. ఆయనే పేద్ద మేథావి అని టీడీపీ అభిమానులు కితాబిచ్చేస్తారు. చంద్రబాబు ఫీలింగ్స్ గట్రా.. స్టైలూ ఇప్పటికీ తానే ముఖ్యమంత్రిని అన్నట్టుగా ఉంటాయి. చిన్నపామైనా పెద్ద కర్రతో కొట్టాలి అనుకుంటాడేమో ఆ లెవల్లోనే కళ్లు పెద్దగా తెరిచి హేం అంటూ విమర్శలు. అబ్బో ఆయన సూటు రూటు. ఇప్పుడు ఏపీలో జరిగే గ్రామ పంచాయతీ ఎన్నికలను చంద్రబాబు.. అసెంబ్లీ కాదు కాదు లోక్సభ ఎన్నికలుగా ఫీలయినట్టున్నారు. పోరాటం చేసి..చేయించి తెచ్చుకున్న పంచాయతీ ఎన్నికలు కాబట్టి.. మహోత్సాహంతో ‘పల్లె ప్రగతి– పంచసూత్రాలు’ పేరుతో మెనిఫెస్టో రిలీజ్ చేసేశారు. ఓ గంటసేపు అమరావతిలోని ఎన్టీఆర్ భవన్లో క్లాస్ పీకేశారు. తాము అధికారంలోకి వస్తే అంటూ మెనిఫెస్టోలో ఫ్రీ ఫ్రీ ఫ్రీ అంటూ వరాలు గుప్పించాడు. పంచాయతీ ఎన్నికల్లో అధికారమా! హేంటో..
సూపర్ వరాల లీస్ట్
–తాము అధికారంలోకి వస్తే ఫ్రీగా కరోనా వ్యాక్సిన్
ఇది చేసేదంతా కేంద్ర ప్రభుత్వం.. దీనిలో రాష్ట్రాలకే దిక్కులేదు. ఇంక పంచాయతీలో గెలిస్తే ఉచితంగా ఇస్తడంట. వ్యాక్సిన్ ఖరీదు రూ.1000 ఎంత మందికి ఇస్తడు. ఈ పైసలన్నీ ఎక్కడ నుంచి తెస్తడు.
–వ్యవసాయ మోటార్లకు మీటర్లు పెట్టనీయకుండా చర్యలు
మోటార్లకు మీటర్ల ఏర్పాటు కేంద్ర తెచ్చిన చట్టాల కారణంగా ఏర్పాటు చేస్తున్నారు. తెలంగాణలో కేసీఆర్, ఏపీలో జగన్ నోరు మూసుకొని కూర్చున్నారు. పంచాయతీలో అధికారం అప్పగిస్తే మీటర్లు ఎట్లా ఆపుతడో
–ప్రతి గ్రామంలో ఫ్రీ వైఫై
ఇంకా నయం.. ఇంట్లో ఉన్న పోరనికి ల్యాప్ ట్యాప్ ఇస్తానని చేర్చలేదు.
–ఎల్ఈడీ దీపాలు ఏర్పాటు చేస్తడంట
ఈ ప్రోగ్రాం కూడా ఈ మధ్యల్నే కేంద్రం బాధ్యత తీసుకుంది. ఇప్పటికే సర్పంచ్లు ఏడ్చి చస్తుండ్రు. ఎక్కడి నుంచి చేస్తడు.
–నేరాలు జరగకుండా చేస్తడంట. కబ్జాలు జరగకుండా చూస్తడంట
ఊరికో పోలీస్స్టేషన్ పెడ్తడా ఏందీ. లేకుంటే ప్రైవేట్ సైన్యం తయారు చేస్తడా
–ఉపాధి హామీ పని దినాలు పెంచుతడంట. కూలీ ఎప్పటికప్పుడు వచ్చేట్టు చేస్తడంట
ఓర్నాయనో ఇది కేంద్రం స్కీమే. ఈయనెట్లా చేస్తడు.
ఇట్లా చదువుకుంటా పోతే బారెడు లీస్టు హామీలు ఉన్నయి. ఈ హామీలు చదివినాయన ఒక మాటన్నడు.. అదే పంచాయతీల్లో గెలిపిస్తే రాష్ట్రానికి ప్రత్యేక హోదా తెప్పిస్తే అంటే ఐపోయేదీ..? అంటూ కామెంట్ చేశాడులే. ఏదీ ఏమైనా టీడీపీ కార్యకర్తలు అనుకుంటున్నట్టుగా నిజంగా చంద్రబాబు మేథావే అని ఈ మెనిఫెస్టో చూస్తే తేలిపోయింది.
